Հանդիպում Լեռնային Ղարաբաղի Հանրապետութեան Ազգային Ժողովի Պատգամաւոր՝  Արմէն Սարգսեանի Հետ

Հինգշաբթի, Յունուար 19, 2017-ի առաւօտեան, Ազգային Ֆերահեան Վարժարան այցելեց Լեռնային Ղարաբաղի Հանրապետութեան Ազգային Ժողովի պատգամաւոր՝  Արմէն Սարգսեանը: Ան, Ամերիկայ հրաւիրուած էր Հ.Յ.Դ. 126րդ ամեակի տօնակատարութեան օրուայ գլախաւոր բանախօս եւ օգտուելով իր կեցութեան առիթէն, ան այցելեց վարժարանը ծանօթանալու համար աշակերտներուն հետ:

Ներկայ էին Սրբոց Նահատակաց եկեղեցւոյ հոգեւոր հովիւ Ռազմիկ քհնյ. Խաչատուրեան, ինչպէս նաեւ ազգային դպրոցներու խնամակալ մարմինի, վարժարանի ուսումնական մարմինի, Հ.Յ.Դ. կեդրոնական կոմիտէի ներկայացուցիչ՝ Գօգօ Թօփալեան, շրջանի Հ.Յ.Դ «Ռոստոմ» եւ «Արշաւիր Շիրակեան» կոմիտէութեանց եւ քոյր կազմակերպութիւններու ներկայացուցիչներ, դպրոցի տնօրէնութիւն, ուսուցչական կազմ, եւ խանդավառ աշակերտներ:

 

IMG_2867 (800x533)

 

Բացման խօսքը կատարեց, 12րդ դասարանէն, Նարեկ Գույումճեանը: Ան, բարի գալուստ մաղթելէ ետք ներկաներուն, շեշտը դրաւ հայ ժողովուրդի փառաւոր յաղթանակներուն վրայ, եւ աւելցուց ըսելու որ՝ այդ փառաւոր յաղթանակներուն եկաւ միանալու հայ ժողովուրդի հաւաքական կամքի եւ միասնական ուժի յաղթանակի խորհրդանիշ՝ Արցախեան շարժման պոռթկումը, որը նոր էջ մը բացաւ հայ ազատագրական պայքարի մեր պատմութեան մէջ:

Գեղարուեստական յայտագիրը ներկայացուց, 12-րդ կարգէն Տանիէլա Սեմերճեանը, յաջորդաբար բեմ հրաւիրելով նախ միջնակարգ դասարանի աշակերտները որոնք երգեցին «Սարդարապատ» յաղթերքը, ղեկավարութեանբ տէր եւ տիկին Արտաշէս եւ Ժաննա Սինանեաններու, 10-րդ կարգի աշակերտները արտասանեցին Սարմէնէն «Պանդուխտ հայ մայրերին» քերթուածը: Որմէ ետք՝ 12-րդ կարգէն խումբ մը աշակերտներ երգեցին «Ախպէրս ու ես»ը, իսկ 10-րդ եւ 22-րդ կարգի աղջիկները ներկայացուցին հայկական գեղեցիկ պար մը:

Գեղարուեստական յայտագիրէն ետք, Նարեկ Գույումճեան հակիրճ ձեւով ներկայացուց օրուայ հիւրին կենսագրութիւնը եւ ապա բեմ հրաւիրեց անոր որպէսզի իր պատգամը փոխանցէ:

«Այսօր ես շատ ուրախ եւ հպարտ եմ որ այս առիթը տրուեցաւ ինծի այցելելու ձեր վարժարանը եւ ծանօթանալու ձեր հետ», ըսաւ Արմէն Սարգսեան, եւ շարունակելով իր խօսքը, ան պատմեց Արցախի ներկայ իրավիճակին մասին, Ազերիներուն կողմէ կատարուած զինադադարի խախտոմներուն մասին եւ թէ ինչպէս մէկ ընտանիքէն յաջորդական սերունդներ կողք-կողքի կը պաշտպանեն Արցախի սահմանները: Ապա՝ խօսքը ուղղելով աշակերտներուն, ան ըսաւ- «Արցախի ժողովուրդը ամուռ կարչած է իր մայր հողին» եւ խնդրեց աշակերտներէն որ այլեւս չըսեն թէ իրենք հայրենիքին օգնութիւն կ’ուղղարկեն, քանի «օգնութիւն կ’ուղղարկեն օտար երկիրներուն», ըսաւ օրուայ հիւրը, եւ վստահեցուց թէ հայրենիքը մեր բոլորին է եւ եթէ այսօր սփիւռք ենք, ապա ապագային պէտք է մտածել ետ հայրենիք վերադառնալու մասին:

Աշակերտներուն կողմէ եղան բաւականին հետաքրքրական հարցումներ, որոնց բոլորին ալ համբերութեամբ պատասխանեց օրուայ հիւրը:

Ապա բեմ բարձրացաւ վարժարանի տնօրէնուհի՝ Սօսի Շանլեան: Ան իր կարգին շնորհակալութիւն յայտնեց եւ վարժարանի կողմէ փոքր յուշանուէր մը փոխանցեց օրուայ հիւրին:

Յայտագիրը վերջ գտաւ Սրբոց Նահատակաց եկեղեցւոյ հոգեւոր հովիւ Ռազմիկ քհնյ. Խաչատուրեանի «Հայր Մեր» աղօթքով:

 

Սալբի Թէքկէլեան

Թղթակցութիւն Վարժարանէն

 

IMG_2861 (800x533) IMG_2782 (800x533) IMG_2784 (800x533) IMG_2787 (800x533) IMG_2788 (800x533) IMG_2789 (800x533) IMG_2793 (800x533) IMG_2795 (800x533) IMG_2798 (800x533) IMG_2800 (800x533) IMG_2801 (800x533) IMG_2802 (800x533) IMG_2805 (800x533) IMG_2806 (800x533) IMG_2808 (800x533) IMG_2810 (800x533) IMG_2821 (800x533) IMG_2822 (800x533) IMG_2823 (800x533) IMG_2827 (800x533) IMG_2832 (800x533) IMG_2833 (800x533) IMG_2834 (800x533) IMG_2835 (800x533) IMG_2837 (800x533) IMG_2838 (800x533) IMG_2842 (800x533) IMG_2845 (800x533) IMG_2849 (800x533) IMG_2850 (800x533) IMG_2853 (800x533) IMG_2855 (800x533) IMG_2861 (800x533) IMG_2862 (800x533)